1. СҮРҮН ТОРУМ:
1.1. «Саха сирин суруйааччыта» ассоциация, Таатта улууһун Октябрьскай нэһилиэгин дьаһалтата, Дьокуускай куораттааҕы «Чөркөөх түмсүү» уонна В.Н. Протодьяконов аймахтарын өйөбүллэринэн, кини кэриэһигэр «Чолбон» сурунаал уус-уран литература кириитикэтигэр сабыылаах күрэһи бэһис төгүлүн биллэрэр;
1.2. Күрэскэ уус-уран литература биир уустук уонна ураты салаатыгар – уус-уран кириитикэҕэ саха билиҥҥи суруйааччыларын уонна билиҥҥи уус-уран литература сайдыытын анаарар, тосхоллуур үлэлэр көрүллэллэр;
1.3. Күрэскэ кыттааччыга сааһынан, айар-чинчийэр таһымынан хааччах суох.
2. КҮРЭС СЫАЛА-СОРУГА:
2.1. Саха уус-уран литератураҕа кириитикэтин историятын чинчийээччи уонна саха уус-уран литературатын кириитигэ, ХИФУ доцена, П.А. Ойуунускай аатынан судаарыстыбаннай бириэмийэ лауреата В.Н. Протодьяконов кэриэс санааларын, көрүүлэрин үйэтитии, тарҕатыы;
2.2. Саха уус-уран литературатын кириитикэтигэр саҥа тыыны киллэрэн сэргэхситии, сайыннарыы;
2.3. Саха уус-уран литературатын кириитикэ хараҕынан көрөн, сыаналаан билиҥҥи ааҕааччыга тиэрдэн саха аныгы литературатыгар уонна сахалыы уус-уран ааҕыыга көҕү уһугуннарыы;
2.4. Саха уус-уран литератураҕа кириитикэтинэн дьарыктанар ааптардарга өйөбүл буолуу, литература кириитикэтигэр саҥа дьон сысталларыгар, идэтийэллэригэр кыах биэрии.
3. ИРДЭБИЛ:
3.1. Күрэскэ киирэр үлэ 2000 сылтан билиҥҥэ диэри кэмҥэ тахсыбыт саха уус-уран литературатын жанрыттан тутулуга суох бары айымньыларын, кинигэлэрин хабыахтаах уонна аныгы суруйааччыларга тирэҕириэхтээх;
3.2. Үлэ сүрүн идеята, тосхоло, туһуламмыт кыһалҕалара толорутук, итэҕэтиилээхтик арыллыахтаах уонна уус-уран литература кириитикэтин ирдэбиллэригэр сөп түбэһиэхтээх;
3.3. Үлэ ааҕааччы киэҥ араҥатыгар туһуланыахтаах;
3.4. Күрэскэ киирбит үлэлэр ааптардара псевдонимынан кытталлара, онтон туспа файлга эбэтэр кэмбиэргэ ааттарын-суолларын, олорор аадырыстарын, төлөпүөннэрин нүөмэрин, электроннай аадырыстарын толору ыйан ыыталлара булгуччулаах.
4. ҮЛЭНИ КИЛЛЭРИИ СИЭРЭ:
4.1. Үлэни күрэс балаһыанньата бэчээккэ тахсыбыт күнүттэн 2025 сыл ыам ыйын 30 күнүгэр диэри бу аадырыска:
е-mail: cholbonkyres@mail.ru ыытыҥ, эбэтэр 677000, Дьокуускай к., Орджоникидзе уул. 31, 114 хоско кэмбиэрдээн киллэриҥ;
4.2. Киирэр үлэ ханна да бэчээттэммэтэх, эрдэ сыаналамматах уонна атын күрэскэ кытта илик буолара булгуччулаах;
4.3. Күрэс ирдэбилигэр сөп түбэспэт үлэ көрүллүбэт.
4.4. Ыйытыы үөскүүр түгэнигэр 8984-100-8666 нүөмэринэн чуолкайдаһыаххытын сөп.
5. КЫАЙЫЫЛААХТАРЫ БЫҺААРЫЫ УОННА БЭЛИЭТЭЭҺИН:
5.1. Кыайыылаахтары быһаарар Дьүүллүүр Сүбэни «Чолбон» уус-уран литература сурунаалын бас эрэдээктэрэ бигэргэтэр;
5.2. Бастыҥ үлэлэр Дьүүллүүр Сүбэ быһаарыытынан анал дипломунан, сыаналаах бэлэхтэринэн наҕараадаланыахтара уонна «Чолбон» сурунаалга бэчээттэниэхтэрэ. Наукалыы таһымнаах идэтийбит литературоведтар уонна устудьуоннар үлэлэрэ анал бирииһинэн бэлиэтэниэхтэрин сөп;
5.3. Күрэс түмүгэ 2025 сыл бэс ыйыгар тахсыаҕа, кыайыылаахтары бэлиэтээһин 2025 сыл от ыйыгар ыытыллыаҕа.