Россияҕа ДЬИЭ КЭРГЭН, Саха Өрөспүүбүлүкэтигэр ОҔО СААС сылларыгар аналлаах уонна саха литературата төрүттэммитэ 125 сылын көрсө
«ЧОЛБОН ӨЙ КҮРЭҺЭ» II оонньуу балаһыанньата
- СҮРҮН ТОРУМА
1.1. Бу Россияҕа Дьиэ кэргэн уонна Саха Өрөспүүбүлүкэтигэр Оҕо саас сылларыгар аналлаах уонна саха суругунан уус-уран литературата төрүттэмитэ 125 сылын көрсө «Чолбон өй күрэһэ» II оонньуутун (мантан аллараа күрэс) «Сахабэчээт» СӨ САТ «Чолбон» сурунаалын эрэдээксийэтэ партнердарын кытары тэрийэр;
1.2. Күрэс дьон-сэргэ уус-уран литератураҕа уонна суруйааччылар олохторугар билиитигэр-көрүүтүгэр сигэнэр;
1.3. Күрэс үс түһүмэҕинэн ыытыллыаҕа:1-гы – сүүмэрдиир түһүмэх (улуустар кииннэригэр онлайн киэбинэн ахсынньы 2-12 күннэригэр ыытыллар), 2-с – өрөспүүбүлүкэтээҕи (кыайыылаах хамаандалар Дьокуускайга киирэн оонньууллар) – 3-с түмүмэх «САХА» НКИК быһа эфиригэр (Дьокуускай куоракка ыытыллар).
- КҮРЭС СЫАЛА-СОРУГА
2.1. Дьиэ кэргэн болҕомтотун саха уус-уран литературатыгар тардыы;
2.2. Сахалыы уус-уран литератураны ааҕыыны көҕүлээһин;
2.3. Сахалыы ааҕар, литератураны таптыыр дьону булан түмүү, иитии уонна өйөөһүн.
- КҮРЭС КЫТТЫЫЛААХТАРА
3.1. Күрэскэ «Чолбон» сурунаалга 2025 сылга сурутуулаах дьиэ кэргэн хамаандата кыттар;
3.2. Хас биирдии хамаанда 3(үс киһиттэн) (дьиэ кэргэн уонна аймах-билэ дьон) туруохтаах.
3.3. Күрэс түмүгэр элбэх очкону хомуйбут хамаанда кыайар;
3.5. Биир оонньуу түөрт түһүмэхтэн турар («Суругунан уус-уран литератураны төрүттээччилэр», «Аҕа дойду Улуу сэриитин кэминээҕи литература», «Репрессияламмыт суруйааччылар», «Билиҥҥи кэм литературата»).
- НАҔАРААДАЛААҺЫН
4.1. Күрэс түмүгүнэн очколарынан 1-гы уонна 2-с миэстэлээх хамаандалар быһаарыллаллар;
4.2. Улууска кыайбыт үс хамаанда сыаналаах бириистэринэн бэлиэтэнэллэр уонна бастаабыттар өрөспүүбүлүкэтээҕи түһүмэххэ кыттарга туоһу суругу ылаллар;
4.3. Өрөспүүбүлүкэтээҕи түһүмэх Дьокуускай куоракка ыытыллыаҕа уонна финал «САХА» НКИК быһа эфиригэр көрдөрүллүөҕэ. Бу түһүмэххэ кыайбыт хамаанда Өлүөнэ очуостарыгар сынньанар путевканан наҕараадаланыаҕа.